Comnet P16 $25/月,如果想帶號轉台、千萬不要用網上平台申請

早前已經有師兄提過試用期過後，比了錢confirm後就不能帶號過台，我亦登入網上登記頁，發現填寫了個人資料後就會轉到網上付款網站，並沒有地方可以輸入固網電話號碼，於是我取消了交易。再打去客戶服務問佢應該點做，當時，個位人兄hold了一陣問人，答覆我可以照在網上登記，然後email張轉台 form比佢地，就有專人跟進。於是今日上網登記，原來比了錢後，系統立即email了一個新電話號及登入資料，我再打電話去問，點知，今次另一位哥哥講D同之前一位完全相反!
佢話上網登記，就係比個新號碼你用，不能帶台號了。我問，應該點做呢，原來先要打電話比佢地，再等sales email form 比我，填完再email返比佢，然後就會有人跟進！！！點解第一次打比你地唔係咁講呢?!佢就問我幾號，幾點打，聽電話人叫乜名，唉!結果電話內糾纏了一粒鐘。最後佢話無辦法，叫我等3日，佢地內部調查下，然後會覆我點做，唉，救命!
所以，其他師兄如果要帶號過台，千萬唔好上網登記，要打電話比佢地，用番傳統填表申請辦法!