|
|
呢單野不吐不快. 呢間野幾平都係假, 根本唔想做, 大家有得揀都唔好用 Comnet Phone!
話說十月時見到電訊茶室有 Comnet Phone (CM) 的特別優惠, 剛好 PCCW 又就滿約, 於是就係十月十九日申請佢個 service 兼MNP. 初時以為固網 MNP 好像手提 MNP 一樣只要幾日, 點知 CM 打來留言話MNP 要一個月, 十月尾轉唔到. 我聽到留言立刻打番去, 留言位 staff 就搵唔到, 咁我講比接電話的CS 知照等一個月轉台啦.
好, 如是者過了一個星期, 就到十月尾, 我打上去CM 問 progress. 接電話個CS 話處理緊, 但問佢幾時出信俾我, 幾時確實轉台, 全部都冇答案.
好啦, 今天剛好一個月, 早上打去睇下有得轉台未. CS 接完電話check 完又係一貫要等覆電話, 幾經辛苦先迫到佢今日之耐覆我. 到午飯後有位區小姐覆我, 講我知個電訊茶室優惠做唔到, 因為個優惠只做到10月30日, 而我要 MNP 因而過咗呢個優惠期限, 所以不能做到呢個優惠, 重話佢地打過幾次電話通知我但聯絡唔到我. 我聽完真係乜火都出晒來... 呢位區小姐重夠膽死跟著同我講現在做緊的所謂優惠係 $35/月, facebook 讚減$5/月, 實為 $30/月, 不過優惠做到 11月30日, 我 MNP 的話都做唔到優惠... 言下之意就係佢地根本 drop 咗我個 application, 成個月冇做野. 我即時叫佢 pass 俾 supervisor / 經理, 佢當然又係拖啦, 最後迫多幾迫, 先推話有位鄧生會今日內覆我.
1. 我今日之前從冇聽過上台優惠係計轉台日, 而唔係計登記日的. 佢呢排一個月改一次優惠, 即係MNP 客免問啦.
2. 我之前打過幾次上CS 從來冇任何人講過價錢有問題, 或MNP 有問題. 今日先講優惠做唔到, 擺明就係嫌錢少 drop 咗我個 application.
總結, 平野真係冇好. MNP 咁簡單都攪到一鑊粥. |
|
發表於 2012-11-19 17:58
| 
